Шефот на малезиската опозиција обвинет за содомија

by **GBL** Сре Фед 03 2010, 16:06

Шефот на малезиската опозиција, Анвар Ибрахим, е обвинет за силување на својот млад соработник и се соочува со можна казна затвор од 20 години, пренесува BBC.

Шефот на малезиската опозиција обвинет за содомија Get

Ибрахим за медиумите пред судот изјави дека не се чувствува виновен. „Тоа се лажни обвинувања. Ги измислија политичките сили кои ја користат ситуацијата за целите на власта,“ рече тој.

Обвинителите во средата објавија дека поседуваат докази кои ќе докажат сексуален чин помеѓу обвинетиот и неговиот 24 годишен соработник кој го пријавил.

„Сите елементи претставени во тужбата ќе ја докажат вината на Анвар,“ истакна Мохамед Јусоф Заинал Абиден, помошник на обвинителството.

Ибрахим, некогашниот потпретседател на владата, се соочува со 20 години затвор доколку се прогласи виновен за содомија (анален однос), која во Малезија претставува кривично дело, иако чинот е доброволен.

Случајот предизвика невидено медиумско внимание во Малезија и беше поставено огромно обезбедување во и надвор од судницата.