Иран понуди размена на затвореници

by **GBL** Сре Фед 03 2010, 16:04

Иранскиот претседател Махмуд Ахмадинеџад предложи размена на заробеници со САД, јавија светските медиуми.

Иран понуди размена на затвореници Get

Ахмадинеџад предложи размена на ирански затвореници во САД за тројцата американски планинари кои иранските власти ги држат затворени од јули минатата година.

Претседателот на Иран минатиот декември објави листа на 11 Иранци за кои смета дека се наоѓаат во американските затвори.

На листата се наоѓаат иранскиот научник за нуклеарна технологија кој исчезна во Саудиска Арабија, поранешниот министер за одбрана кој исчезна во Турција како и еден Иранец уапсен во Канада под сомневање дека се обидел да развива нуклеарна технологија.

Тројцата американски државјани кои во јули планинареа низ северниот регион Курдистан во Ирак случајно ја поминале границата со Иран, изјавија нивните семејства.

Иранското министерство за надворешни работи соопшти дека тројцата планинари ќе бидат изведени пред суд кон крајот на декември. Детали за обвиненијата со кои се товарат планинарите не беа објавени иако пред тоа иранскиот државен обвинител наведе дека се работи за шпионажа.