Најмалку 17 жртви од експлозија во Ирак

by **GBL** Сре Фед 03 2010, 16:04

Од експлозија на бомба поставена во приколка на мотор, загинаа најмалку 17, а повредени се околу 90 лица во ирачкиот град Кербал, соопшти денес полицијата.

Најмалку 17 жртви од експлозија во Ирак Get

Најмалку 17 жртви од експлозија во Ирак Get

На местото каде се случил нападот биле присутни голем број на шиити кои славеле верски празник, пренесе агенцијата Срна.

Верските собирања на шиитите се мета на чести напади од страна на групите сунитски милитанти на Ал Каеда, кои се обидуваат да предизвикаат меѓуверски судири.

Во полициското соопштение се предупредува дека бројот на жртвите не е конечен.
Вчера во бомбашки напад чија мета беа шиитските верници во предградието на Багдад, загинале повеќе од 40 лица.

Стотина илјади шиитски верници во последните неколку дена се движат накај градот Кербал, каде на 5 февруари ќе се обележи 40-от ден од смртта на имамот од 7 век, Хусеин, една од најзначајните шиитски личности.