На возачот на Тоше ќе му се суди во Македонија

by **Kosta** Пет Окт 19 2007, 15:24

Цитат од Вест:

Судењето на Ѓорѓи Ѓорѓевски, возачот на Тоше Проески, ќе се одвива во Македонија, јави вчера Интернет порталот Индекс, повикувајќи се на изјава на жупанискиот државен обвинител Стјепан Харамустек.

Според информацијата, комплетниот случај ќе му биде препуштен на
македонското судство. Ѓорѓевски, кој се уште е во болницата во Нова
Градишка, ќе биде пуштен кога неговата здравствена состојба ќе се
подобри.

Иако претходно хрватските правосудни органи најавија дека на
македонскиот државјанин ќе му се суди по скратена постапка во Хрватска, сепак, Харамустек наведува дека, по добивањето на документацијата, било заклучено дека најдобро е случајот да се препушти на македонското судство. "Со оглед на фактот што обајцата се македонски државјани, заклучивме дека така е најдобро. Ѓорѓиевски нема да биде под наша ингеренција, кога ќе биде пуштен од болница ние ќе го препуштиме на македонското правосудство", вели Харамустек.

Хрватската полиција против Ѓорѓевски поднесе кривична пријава за предизвикување сообраќајна несреќа.