Самохрана мајка од Велес бара помош за своето болно дете

by **GBL** Вто Фед 02 2010, 15:53

Животот за Драгица Дамјановска и нејзиниот четиригодишен син е суров. Мухамед е роден со проширено срце и стесната аорта. Докторите рекле дека болеста се лечи, но неопходни се редовни контроли на Клиника во Скопје.

Самохрана мајка од Велес бара помош за своето болно дете Get

Самохрана мајка од Велес бара помош за своето болно дете Get

Драгица својот Мухамед повеќе од две години го нема однесено на Клиника. Вели, немам пари, го лекувам единствено со лекарства што му ги препишува матичниот лекар.

„Веќе две и пол години го немам однесено во Скопје на контрола, бидејќи немам пари. Поради тоа постојано му се влошува ситуацијата. Немам од никаде помош. Соседите ми носат дрва и млеко за детето, ми помагаат колку што можат. Побарав помош и од градоначалникот, но и таму ми рекоа дека помош ми следува само еднаш годишно, рече Драгица Дамјановска, мајка на Мухамед.

Мухамед покрај проблемите со срцето и пневмонија со опструкции, има проблеми и со говорот и слихот. Самохраната мајка моли за помош.

„Социјална помош добиваме но со 1.400 денари што можам да сторам дали да платам кирија или да ги купам најнеопходните лекови“ вели Драгица.

Помош на самохраната мајка и понудија и волонтерите на Црвениот крст. Тие преку разни активности во наредниот период ќе собираат пари кои ќе ги донираат на семејството Дамјановски.

„Ние ќе организираме неколку видови акции преку кои од хуманите луѓе ќе се обидеме да собереме повеќе парични средства. До поголемите фирми поднесовме барања, очекуваме и тие со свои донации да се вклучат во нашиот проект, ќе организираме и хуманитарна забава. Сите средства кои ќе ги собереме ќе им ги дадеме како помош“, вели Софија Андева, волонтер на Црвен крст.

Оваа последна понудена помош од волонтерите на Црвениот крст и дава надеж на Драгица дека со помош на донациите од хуманите лица, Мухамед ќе го однесе на Клиника за да може одново да започне лекувањето на неговото срце.