Тоше Проески загина во сообраќајна несреќа

by **Kosta** Вто Окт 16 2007, 17:57

Во сообраќајна несреќа која се случила на автопатот кај Нова Градишка -
Хрватска околу 6.20 часот утрово, животот го загуби Тоше Проески. До
несреќата дошло кога возилото VW Touareg во кое бил Тоше удрило во
камионска приколка со италијански регистарски таблички, а потоа
излетало од патот.

До несреќата дошло најверојатно поради не одржување на доволно
растојание со возилото пред нив. Во возилото освен Тоше кој спиел на
совозачкото седиште била и неговата менаџерка Љиљана Петровиќ и уште
едно лице кое управувало со возилото.

Хрватската полиција потврди дека Тоше Проески веднаш починал, а другите две лица се хоспитализирани и со тешки повреди.

Тоше Проески загина во сообраќајна несреќа Toseproeskinaslww9

Тоше Проески загина во сообраќајна несреќа Toseproeskinaslww9

Вечно ќе останеш во нашите срца.

by MaX Вто Окт 16 2007, 18:16

Тоше почивај во мир,те сакаме и никогаш нема да те заборавиме.

by borisd Вто Окт 16 2007, 18:25

Уште не ми се верува..... Не сакам ни да верувам. Се си мислам дека е само глупост....... Sad

R.I.P.

by **Vlado-Tornado** Вто Окт 16 2007, 18:59

Сурова потврда дека и на добрите луѓе им се случуваат лоши работи. Ама судбина ...

by MaX Вто Окт 16 2007, 22:16

Книга на жалоста отворена и на нет

http://tose.krusevo.gov.mk/

by bonte Вто Окт 16 2007, 22:46

Ednostavo nemam zborovi.... Pocivaj vo mir... Sad

by deXterche Сре Окт 17 2007, 01:33

Денес веќе е ден на жалост. Ден кога официјално Македонија се простува од човекот кој живееше за неа.
Неодамна на концертот изјави: Ова е Македонија, мојата земја se вика МАКЕДОНИЈА и нема друго име.
Македонија вечерва жали зa човекот кој беше ѕвезда и сега замина помеѓу ѕвездите.

Од полноќ официјално знамињата веќе треба да бидат симната до половина.

Денес е денот кога треба официјално да се простиме со Тоше. Болката е голема и неизмерна. Сите се прашуваме зарам мораше тоа да му се случи токму на него? Токму на човекот кој живееше со бог. Кој беше научен цел живот да дава и биде хуман.
Да се надеваме дека и понатаму како ѕвезда горе на небото ќе остане да блеска и да не просветлува, ако не за друго да не потсетува дека
некогаш во Македонија постоеше човек со ангелски глас и со големо срце.

А ние можеме да му ветиме дека нема да го заборавиме.

by **Kosta** Чет Окт 18 2007, 00:16

Леле уште неможам да поверувам дека ова се случува, сето ми изгледа само како лош сон.

by **Vlado-Tornado** Чет Окт 18 2007, 00:35

„А мојот живот - игри без граници
уморна приказна - скинати страници
празни неиспишани.
А мојот живот е вечно паѓање
се да се собере - пораз ќе остане,
навики стари во мене“ ...

Се ежам кога го слушам овој дел од песната - таман да подзаборавам, од негде ќе ја чујам ... крш сум цел ден.