Спорот со името во фокусот на средбата Иванов - Стуб

by **GBL** Вто Фед 02 2010, 15:45

Прашањето за решавање на проблемот со името и за интеграцијата на Македонија во Европската Унија биле во фокусот на разговорите меѓу шефот на финската дипломатија, Александар Стуб и претседателот Ѓорге Иванов.

Спорот со името во фокусот на средбата Иванов - Стуб Get

Спорот со името во фокусот на средбата Иванов - Стуб Get

Како што соопштуваат од кабинетот на претседателот Иванов, слично како и министерот за надворешни работи Милошоски, изразил очекување дека декларативните заложби на Грција за решавање на проблемот со името ќе бидат демонстрирани и на дело.

„И покрај апсурдноста на спорот кој ни е наметнат, Република Македонија конструктивно учествува во процесот кој се води под покровителство на ОН. Претседателот Иванов потенцираше дека доколку Грција се придржува до резолуциите на ОН, на меѓународното право и принципи, и доколку својата декларативна подготвеност за разрешување на спорот ја демонстрира и на дело, до решение може да се дојде и дека Република Македонија е целосно подготвена за решавање на наметнатиот спор за името“, се вели во соопштението од кабинетот на претседателот Иванов.

Министерот Стуб на средбата ја истакнал заложбата Финска со сите свои искуства да помогне во преговарачкиот процес на Македонија со Унија, по отварањето на пристапните преговори.

„Министерот Стуб изрази надеж дека Република Македонија ќе си ги заземе местото кое што го заслужува за интеграција во ЕУ и на тој план има стопроцентна поддршка од Финска“, соопштуваат од кабинетот на претседателот Иванов.