Забрана за формирање на фирма на лица кои предизвикале намерен стечај

by **GBL** Вто Фед 02 2010, 15:42

Оние раководители на компании, за кои по судски пат ќе се утврди дека предизвикале намерен стечај, нема да смеат во иднина да формираат нова компанија.

Забрана за формирање на фирма на лица кои предизвикале намерен стечај Get

Забрана за формирање на фирма на лица кои предизвикале намерен стечај Get

Ова е дел од измените на Законот за трговски друштва, што во вторникот го презентираа вицепремиерот задолжен за економски прашања Владимир Пешевски и министерот за економија Фатмир Бесими.

Воедно членовите на надзорен Одбор нема да смеат да формираат нова компанија, се додека нивното друштво по било која основа има блокирана сметка.

Предлагачите на законот сметаат дека на овој начин ќе се спречи несовесниот однос на органите на управување и избегнувањето на давачките со едноставно оставање на фирмите со блокирана сметка и формирање на нови друштва.

„Законот за трговски друштва е на ранг на устав на една земја. Со овие измени и дополнувања правиме еден квалитетен чекор кон унапредување на вкупната бизнис клима во државата, што ќе овозможи поттикнување на инвестициите, но и заштита на правата на акционерите“, рече Пешевски.

Тој додаде дека измените на законот се целосно во согласност со европските директиви.

Пешевски информираше дека со новиот закон на македонските компании ќе им се овозможи да се здружат со некоја европска компанија од иста дејност, што е во согласност со законите на Европската унија.

Со новиот закон е предвидена заштита на малцинските акционери во големите друштва, а предвидени се измени во начинот на издавање на дополнителни акции и обврзници.

Според министерот за економија Бесими со предложените законски решенија ќе се зголеми одговорноста на органите на управување на компаниите и ќе се регулира начинот на продажба на акциите со цел да се спречат можни злоупотреби.