Пронајдени делови од човечко тело во Прилепско

by **GBL** Пон Фед 01 2010, 18:47

Делови од човечко тело се пронајдени во недела околу пладне во атарот на прилепското село Пештани. Деловите ги забележал и пријавил жител на село Селце кој што бил на лов во атарот на селото, поточно на местото Самовилец.

Пронајдени делови од човечко тело во Прилепско Img78455071

Пронајдени делови од човечко тело во Прилепско Img78455071

Од полицијата се уште не соопштуваат дали тоа е телото на малата Ангела Георгиеска од прилепско Дуње, која исчезна во јули минатата година.

Увидна екипа на прилепската полиција веднаш дошла на терен, а за дополнителни проверки биле испратени и вешти лица од Одделот за крим-техника од Скопје.

Полициските екипи со увид продолжија и утринава, така што заедно со експертите од судска медицина работат на утврдувањето на идентитетот на починатото лице како и на причините поради кои настанала смртта.

„Заради чувствителноста на темата во моментов не би можеле да излеземе со дополнителни детали околу возраста или времето на настапувањето на смртта. Во најкус можен рок ги очекуваме резултатите од вештачењето на деловите од облеката кои беа пронајдени во непосредна близина, како и ДНК анализата со која би го потврдиле идентитетот“ стои во соопштението на МВР.