Руни: Горд сум што постигнав 100 погодоци во Премиер Лигата

by **BuDaLoTo_DeTe_** Пон Фед 01 2010, 16:53

Напаѓачот на Манчестер Јунајтед, Вејн Руни вели дека е горд откако на
дуелот со Арсенал го постигна 100от погодок во Премиер Лигата
Руни: Горд сум што постигнав 100 погодоци во Премиер Лигата Rooney-300-arsenal

Руни: Горд сум што постигнав 100 погодоци во Премиер Лигата Rooney-300-arsenal

Англискиот интернационалец игра во извонредна формаа оваа сезона и тој
е главната причина што Манчестер Јунајтед постојано ’му дише во
врат’ на Челзи.

На вчерашниот дуел со Арсенал, Руни уште еднаш ги покажа своите
квалитети на играч од светска класа и притоа напаѓачот стигна до еден
одличен јубилеј – 100 погодоци во Премиер Лигата.

Неговиот погодок стигна само неколку часа по изјавите на
извршниот директор Дејвид Гил кој најави дека тие нема да го продадат
Руни за било која сума и додаде дека на играчот ќе му понудат нов богат
договор според кој напаѓачот најверојатно ќе биде најплатен фудбалер на
Олд Трафорд.

За својот 100ти погодок во Премиер Лигата, Руни рече: “Тоа е
нешто што ме прави горд. Одлично е чувството да се игра во Премиер
Лигата и да се постигнат 100 погодоци.”

“Се надевам дека ќе следат уште многу погодоци и јас сум навистина среќен во моментов.”

“Му дозволивме на Арсенал да има малку повеќе посед и потоа игравме на брзи контра-напади во кои бевме убиствени.”

“Можевме да прикажеме повеќе но на 3-0 натпреварот веќе беше завршен.”