Да се намалат акцизите за увоз на стари возила

by **GBL** Нед Јан 31 2010, 18:06

Министерството за финансии, до крајот на идната недела ќе одлучи дали и за колку може да се намали акцизата за увоз на половни автомобили.

Да се намалат акцизите за увоз на стари возила Koli-parking

Да се намалат акцизите за увоз на стари возила Koli-parking

ВМРО-ДПМНЕ денеска и порача на Владата да ја намали акцизата, а граѓаните вистински да ја почувствуваат евентуалната одлука за зголемување на старосната граница за увоз на половни возила.

„Ако само се зголеми старосната граница, а не се намалат акцизите за возилата, тогаш овој процес на внесување на возила од други земји и возење со регистарски таблички од други земји нема да се запре“, изјави Силвана Бонева, ВМРО-ДПМНЕ.

Но, колку од македонските граѓани, во моментот имаат на страна околу 2.000 евра, кои би ги дале за да си купат половен автомобил.

„Оваа мерка е насочена кон одредена категорија на граѓани, коишто никогаш во животот не можеле барем досега заради нивната економска моќ, заради нивниот семеен буџет не можеле да си дозволат да купат било каков автомобил“, вели Катерина Костовска, Министерство за економија.

„Добар дел од нашите граѓани исто така ќе бидат насочени кон купување на дизел возила, затоа што тие возила се поштедливи. Нормално ќе има нели, дел купени коли кои што ќе бидат помали, дел ќе бидат и поголеми“, рече Влатко Ѓорчев, ВМРО-ДПМНЕ.

Возниот парк во земјата и сега е стар, се уште по нашите патишта се возат автомобили стари и повеќе од 20-тина години, заклучи ВМРО-ДПМНЕ.

Така што според нив во вода паѓаат изјавите и коментарите дека со една ваква одлука ќе се загадувала околината, затоа што ќе сме увезувале половни возила, стари и по повеќе од 10 тина години.