Министерството за здравство реагира на оценките на СДСМ

by **GBL** Нед Јан 31 2010, 18:02

Ставовите и оценките за функционирањето на здравствениот систем изречени на денешната прес-конференција на СДСМ ги оценуваме како паушални и неаргументирани.

Министерството за здравство реагира на оценките на СДСМ Get

Министерството за здравство реагира на оценките на СДСМ Get

Вака реагираше Министерството за здравство на пресконференцијата на СДСМ, на која беше изнесена оценка дека здравството е пред колапс.

Сериозноста на состојбите во здравствениот систем се резултат на повеќедецениското отсуство на какви било инвестиции, непреземањето никакви реформски чекори и немањето никаква идеја како да се зголеми квалитетот на услугите, за што во голем дел одговорноста ја имаат токму владите на СДСМ кои во минатото речиси ништо не направија за здравството, се вели во реакцијата.

Цехот за нивното „седење со скрстени раце“ го плаќаме сите ние, граѓаните, медицинскиот персонал и пациентите, се додава во соопштението.

Министерството за здравство е подготвено во кое било време и место да ги соочи своите аргументи и да ги образложи сите чекори што ги презема, со сите заинтересирани субјекти, кои имаат знаење и нудат предлози кои водат кон унапредување на здравството.