Вестервеле: Грција има потполна поддршка од ЕУ

by **GBL** Нед Јан 31 2010, 18:00

Грција има целосна поддршка од Германија и од останатите земји членки на Европската унија во справувањето со долгот и дефицитот, изјави германскиот министер за надворешни работи Гвидо Вестервеле.

Вестервеле: Грција има потполна поддршка од ЕУ Get

Вестервеле: Грција има потполна поддршка од ЕУ Get

„Веруваме дека грчката влада ќе покаже неопходна динамика, за да одговори на структурните слабости во националната економијата“, изјави Вестервеле во интервју за грчкиот весник „Катимерини“.

Атина ја има целосната поддршка на Германија и на сите членки на унијата, дополни шефот на германската дипломатија, кој во вторник треба да ја посети Грција.

Предвидено е Вестервеле да оствари средби со премиерот на Грција Јоргос Папандреу и со министерот за финансии Јоргос Папаконстантину.