Пахор во ненадејна посета на Србија

by **GBL** Саб Јан 30 2010, 16:09

Словенечкиот премиер Борут Пахор синоќа пристигна во ненајавена посета на Белград, при што остварил средба со српскиот претседател Борис Тадиќ.

Пахор во ненадејна посета на Србија Img6955000

Пахор во ненадејна посета на Србија Img6955000

Како што објавија во саботата словенечките медиуми, целта на ненајавената посета на Пахор на Србија била јакнење на економските односи помеѓу двете држави.

„Задоволен сум од неформалните разговори, чии што резултати набргу ќе бидат видливи“, изјави Пахор по враќањето во Љубљана, додавајќи дека најмногу се разговарало за словенечки инвестиции во Србија.

Словенија со вкупно вложени 2,5 милијарди евра е трет по големина странски инвеститор во Србија.

Пахор на средбата со Тадиќ се интересирал за статусот на имотот на словенечките компании во Србија, а изразил подготвеност да овозможи олеснување за српски инвестиции на словенечкиот пазар.

Според љубљанските медиуми, словенечката влада бара заштита на имотот на словенечките претпријатија во Србија, кои се формирани во време на заедничката држава.