Шест ипол години затвор за Миладинови

by **GBL** Пет Јан 29 2010, 22:21

По 6,6 години казна затвор за браќата Ѓорѓи и Димитар Миладинови. Скопска единица ги осуди браќата за перење пари, измама со кредит, давање исправа со лажни податоци.

Шест ипол години затвор за Миладинови Gorgi-dimitar-miladinovi

Шест ипол години затвор за Миладинови Gorgi-dimitar-miladinovi

Судот го отфрли обвинението кое ги товареше дека се дел од организиран група. Три стечајни судијки, стечајна управничка која го водела предметот за хотелот „Изгрев“, и бизнисмен се ослободени од обвинението. Кај нив не е утврдено дека незаконски работеле. Службеничка во катастарот е условно осудена.

Адвокатите Савовски и Бегова осудени се на една односно 6 месеци затвор, нотарот Мерсим Положни на три месеци, а бизнисменот Голобовски на две години затвор. Судот оцени дека биле инволвирани во нелегалните зделки на браќата Миладинови.

Нивната фирма Миладинов чиј содружник е МПЦ земала кредити од две банки тешки над 6 милиони евра, за реновирање на струшкиот хотел „Изгрев“, но парите ги употребувале за други намени и не ги вратиле на банките.

МПЦ два пати го купуваше изгрев за да не го изгуби хотелот. Миладинови сметаа дека нема ништо незаконско во нивното работење, а дека целиот процес им го наметнал бизнисменот Зоран Азманов кој сакал да им го преземе бизнисот.

Од целиот процес азманов излезе само како сведок исто како и црквата. Димитар и Ѓорѓи остануваат во притвор до правосилност на пресудата, со одлуката на судот парите кои ги должат околу 5 милиони евра треба да ги вратат, во спротивно ќе им биде конфискуван имотот.