Запленет еден килограм злато на границата со Косово

by **GBL** Пет Јан 29 2010, 21:45

Косовските цариници запленија еден килограм злато на преминот Блаце -Генерал Јанковиќ на македонско - косовската граница.

Запленет еден килограм злато на границата со Косово Img83259381

Запленет еден килограм злато на границата со Косово Img83259381

Во соопштението на Косовската Царинска Управа се вели дека сокриеното злато е пронајдено во автомобил марка „Хјундаи“ со скопски регистарски таблички, при обидот за влез во Косово.

Портпаролот на косовската царина Адриатик Стављиеци прецизира дека златото е конфискувано и дека случајот е предаден на надлежните кривични органи.

Во Грачаница, пак, косовските цариници заедно со полицијата запленија 2.357 литри разни алкохолни пијалоци без акцизни маркички. Робата е запленета, а против продавачот е покрената истрага.