Ето се врати во Интер и ќе игра против Јуве

by **BuDaLoTo_DeTe_** Чет Јан 28 2010, 21:40

Самуел Ето, 28-годишниот
напаѓач на милански Интер, се врати од Африканскиот куп на нации и му
се стави на располагање на својот менаџер Жозе Мурињо.

Потсетуваме
дека неговиот Камерун беше елиминиран во четвртфиналето од Купот на
Нациите, а само еден ден подоцна камерунецот веќе беше во Милан,
подготвен да му помогне на својот клуб да ја продолжи одличната серија
оваа сезона во сите натпреварувања во кои настапува.

Интер веќе вечерва го чека четвртфиналниот натпревар од италијанскиот
куп во кој домаќин е Јувентус. Според најавите на италијанските
медиуми, Ето е подготвен за игра и би требало да настапи барем на едно
полувреме.

За истиот натпревар португалскиот фудбалски стратег не ќе може да смета на услугите на Дејан Станковиќ и Кристијан Киву.

Треба да се напомене дека Мурињо во својот состав го доби играчот кој
оваа сезона во Серија А има постигнато осум погодоци во 16 натпревари,
а еднаш беше стрелец и во Лигата на Шампионите. Сеуште не настапил во
италијанскиот куп.