Со патики, или со голи стапала?

by **GBL** Чет Јан 28 2010, 21:18

Оние кои се занимаваат со трчање залудно купуваат квалитетни патики, сметајќи дека на тој начин подобро ќе ги заштитат нивните стапала. Барем така тврдат научниците, кои сметаат дека трчањето со боси нозе носи помал ризик од повреди.

Со патики, или со голи стапала? Trcanje

Според научниците, најдобрите патики се вашите стапала. Даниел Либерман од Харвард тврди дека спортистите кои трчаат боси се изложени на помал ризик од повреди, бидејќи ги држат стапалата во сосема поинаква положба.

За разлика од трчањето во патики кога стапалото го допира тлото најпрво со петиците, при трчање со боси нозе тлото најпрво го допира предниот дел од стапалото, односно завршетоците на прстите. Исто така, при трчање со голи стапала многу понежен е ударот на тлото, отколку при трчањето во патики кога ударот на тлото со петиците е силен и опасен.

Либерман и неговите колеги од Харвард ги проучувале спринтерите од Кенија кои цел живот трчаат боси, како и оние кои најпрво трчале со патики, а потоа ги замениле со боси нозе. Босоногите трчачи имале поеластичен чекор и на поефикасен начин ги користеле своите мускули.

Сепак, научниците предупредуваат дека луѓето кои се навикнати на трчање во патики не треба веднаш да прејдат на трчање со боси нозе.

"Луѓето трчаат милиони години, а модерните патики за трчање се измислени во 70-те години. Но, доколку цел живот сте трчале така што прво со петицата го допирате тлото, морате пополека да работите на својата сила на листовите и мускулите на стапалото", вели Либерман.