Цонга vs. Федерер во полуфиналето

by **GBL** Сре Јан 27 2010, 20:09

Жо Вилфрид Цонга е последниот полуфиналист на првиот Гренд Слем откако денес, во пет сетови успеа да триумфира над Новак Џоковиќ, реванширајќи му се за поразот во финалето на истиов турнир во 2008.

Цонга vs. Федерер во полуфиналето Conga-230

Цонга vs. Федерер во полуфиналето Conga-230

Првиот сет Цонга го освои во тај-брејк, а на идентичен начин Џоковиќ се реваншираше во вториот сет. Србинот со убедливи 6:1 го освои третиот сет, но Цонга се врати во живот во четвртиот со 6:3. Петтиот сет Французинот го освои со високи 6:1.

До овој турнир, Жо Вилфрид никогаш немаше одиграно натпревар во пет сетови, а сега одигра два по ред - и ги доби. На прашањето после натпреварот дали е уморен поради овој податок, духовито одговори: „Не. Се чувствувам добро...можам да продолжам ако сакате“.

Во второто полуфинале на Australian Open, и второ воопшто во кариерата, Цонга ќе се сретне со маестрото Роже Федерер. Досега играл два пати против него и има скор од една победа и еден пораз.

Цонга vs. Федерер во полуфиналето Fedeks-455

Цонга vs. Федерер во полуфиналето Fedeks-455

Токму Швајцарскиот тениски Моцарт стана третиот полуфиналист на Australian Open утрово откако беше подобар од Русинот Николај Давиденко.

После голем пресврт и борба во четвртиот сет го совлада Давиденко со конечни 3:1 - или по сетови 2:6, 6:3, 6:0 и 7:5.

Полуфиналето меѓу Федерер и Цонга за Федекс ќе биде 23. последователно полуфинале на Гренд Слем турнирите.