Почна Економскиот форум во Давос

by **GBL** Сре Јан 27 2010, 19:55

На отворањето на годинешниот Светски економски форум во швајцарското одморалиште Давос, светските деловни лидери денеска ги предупредија владите на западните земји дека популистичкото заострување на мерките во финансискиот сектор би можело да го успори кревкото заздравување по најдлабоката финансиска криза од 30-тите години на минатиот век.

Почна Економскиот форум во Давос Davos_5381_2121

Почна Економскиот форум во Давос Davos_5381_2121

Не би било добро планираните регулаторни реформи да бидат засновани на популистичка порака, изјави Денис Нели, директор на една од најголемите светски компании за давање услуги во финансискиот сектор „ПрајсвотерхаусКуперс“ (PwC).

Американскиот претседател Барак Обама неодамна ги разниша пазарите со предлозите комерцијалните банки да се натераат н прекинување на врските со хеџ фондовите и приватните акциски фондови, а финансискиот сектор да плати за огромното трошење на даночните обврзници за негово спасување.

- За жал сведоци сме на многу акции кои во голема мерка се засновани на услови специфични за секоја земја одделно, додаде Нели, предупредувајќи на можни „несакани последици“.

Претседателот на Европската централна банка, Жан-Клод Трише ги отфрли тврдењата дека постојат трансатлански разлики и во изјава за „Волстрит џурнал ги поддржа плановите на Обама, оценувајќи ги како „соодветни и интересни“.

На годинешниот форум нема да присуствуваат некои од најголемите светски банкари, како што се извршниот директор на „Голдман Сакс“ Лојд Бланкфејн и на „ЈПМорган Чејз“ Џејми Димон, но ќе учествуваат првите луѓе на две големи американски банки, кои добија владина помош за спас - Викрам Пандит од „Ситигруп“ и Брајан Мојнихан од „Бенк оф Америка“.