Женска желботека

by **GBL** Сре Јан 27 2010, 19:53

Колку и да се жалат мажите дека е невозможно да дознаат што нивните партнерки всушност сакаат, сепак женските потреби и не се толку комплицирани. Еве што жените очекуваат од своите партнери, според examiner.com

Женска желботека Www-455

Верност

Овде е јасна работата и не се потребни премногу објаснувања - жените едноставно не сакаат да го делат својот партнер. И да, емоциналното изневерување исто така спаѓа во категоријата “неверство“.

Отвореност

Можеби понекогаш вашата отвореност ќе ја налути (никој не сака да слуша нешта кои не му се допаѓаат) но на долги стази отвореноста и тоа како ќе ви користи, затоа што ќе придонесе за помалку недоразбирања во врската.

Внимание

Ако сакате вашата партнерка да ужива, оспипувајте ја со внимание. Тоа може да го правите преку комплимент, пријатно изненадување, романтичен гест - жените умеат вистински да ги ценат и да се радуваат на таквите нешта.

Чувствителност

На мажите од мали им се повторува дека не треба премногу да ги покажуваат емоциите затоа што тоа ќе направи да изгледаат како слабаци. Но, не е ништо страшно (всушност е пожелно) ако чувствителноста се дозира во мерка која и нему и на неа им одговара.

Сигурност

Жените отсекогаш ги привлекувале мажи кои се “силни“, кои ќе ги заштитат, цврсто прегрнат и ќе им пружат чувство на сигурност.

Доверба

И народната мудрост и животната пракса велат: „Еднаш загубената доверба, тешко може да се врати“. Така и жената сака маж во кој ќе има доверба и кој нема да биде постојан извор на сомнеж.

Па драги мажи, сега кога знаете што сакаат жените, немате повеќе простор за опрaвдувања. А, дали имате воља и да им го пружите она што го очекуваат од вас, е друг муабет Smile