Прифатени амандманите за добрососедски односи

by **GBL** Сре Јан 27 2010, 16:53

Македонските власти да ги преземат неопходните мерки „против јазикот на омраза употребуван во македонските медиуми и учебници против соседните земји“.

Прифатени амандманите за добрососедски односи Img25639476

Прифатени амандманите за добрососедски односи Img25639476

Амандмани со ваква содржина, поднесени од страна на бугарските европратеници Евгени Кирилов и Андреј Ковачев, денеска беа изгласани од Комитетот за надворешна политика на Европскиот Парламент и станаа дел од текстот на Извештајот на известувачот Зоран Талер, објави бугарската агенција Фокус.

„Европскиот Парламент ги повикува властите на Поранешната Југословенска Република Македонија да ги преземат сите неопходни мерки и да го обесхрабат говорот на омраза кон соседите земји-членки на ЕУ во медиумите и слични искази во учебниците и да го гарантираат правото на лицата чие убедување за етничката припадност е различно од официјално признаените“, се вели во усвоениот амандман.

На текстот на извештајот на Талер беа предложени вкупно 82 амандмани. Како најзначаен се смета денеска усвоениот, со кој комитетот повикува Македонија во март да добие датум за почеток на преговорите за членство во Европската унија.