Архитектура,Дефиниција

by **Daffy** Сре Јан 27 2010, 02:02

Етимолошки, зборот архитектура потекнува од старогрчкиот збор архитектон (αρχιτεκτων) што значи главен мајстор (αρχι=главен и τεκτων=мајстор, градежник).
Архитектурата претставува совршен спој на уметност и наука која се
занимава главно со исцртување на планови за градби и најразлични
физички структури. Архитектурата е креативна умешност за планирање и
уредување на просторот, плод на претходно совладана и применета
геометрија, математика, уметност итн.
Како таква таа го обработува крајниот резултат но и процесот низ кој една идеа преминува во цртеж, а подоцна во реалност.

Денес, архитектурата опфаќа најразлични тематики кои постојат како
нејзини проблеми како урбанизмот- планирањето на градот, станбените,
општествените, стопанските згради, ентериерите, пејсажана архитектура
итн.
Како што беше напоменато претходно крајниот продукт
претставува плод на претходно совладана и применета геометрија,
математика, уметност, естетика, знаење од областа на материјалите но и
многу други фактори кои се земаат впредвид со цел добивање на краен
резултат кој ќе се "втопи" во просторот и ќе ја оправда својата
реализација. Покрај естетиката и функционалноста, архитектурата се
занимава и со конструкцијата на една градба за што се применува
статиката, механиката, архитктонската физика итн.
Како најосновна
мерка по која се добиваат димензиите на основните и базични елементи во
архитектурата претставувава мерката, човек.

Архитектонското дело често е сватено како културен и политички симбол и
уметничко дело. Цивилизациите низ историјата четопати се идентификуваат
низ своите "остатоци" oд архитектонски градби кои оставаат оргинален
потпис во историјата и го рефлектираат времето во кое постоеле.

"Ја нарекувам архитектурата замрзната музика." - Гете (Daffy)