Тина Тарнер на нова турнеја?

by **GBL** Сре Јан 27 2010, 01:41

Поп ѕвездата Тина Тарнер може повторно да ја собере својата танчерска трупа за новата светска турнеја, иако таа во моментов повеќе сака да живее спокојно и да се насладува на животот, пренесуваат агенциите.

[You must be registered and logged in to see this image.]

Седната во првиот ред на ревијата на модниот дизајнер Џорџо Армани во Париз, 70-годишната легенда изгледаше блескаво, во светкавата куса црна блуза со големо деколте и со бујна кадрава коса, посочуваат агенциите.

„Луѓето сакаа да ме видат, многумина носеа транспаренти со пораката „Ти благодариме“, рече Тарнер за својата турнеја од 2008 година.

На прашањето на новинарите дали размислува за нова турнеја, таа возврати: „Уште не сум одлучила. Немам планови за голема турнеја, на големи стадиони. Но не велам дека нема да го направам тоа, дека нема да ги соберам девојките и да подготвиме нешто. Но, не сум одлучила“.

Тарнер со децении беше меѓу најуспешните изведувачи во светот, прославена со хитовите како „Simply the Best“ и „Whats Love Got to do With It“, што ги пееше пред преполните стадиони.

Тарнер засега не предвидува скорешна серија концерти, но нејзините фанови може да се утешат со перспективата за нов албум, посочуваат агенциите.

„Создавањeто музика секогаш е полесно од турнејата“, рече поп ѕвездата.