Обама: Нема магично решение за буџетскиот дефицит

by **GBL** Сре Јан 27 2010, 01:38

Американскиот претседател Барак Обама изрази најсилна поддршка за претседателот на Управата за федерални резерви (Централната банка) Бен Барнанке и изјави дека тој добро си ја врши работата.

- На чело на Федералните резерви имаме потреба од човек, кој ќе гарантира дека напредокот во стабилизирањето на економијата ќе продолжи и сметам дека најсоодветниот за тоа е Бернанке, рече Обама.

Претстои Сенатот да гласа оваа седмица дали претседателот на Централната банка ќе биде реизбран за втор четиригодишен мандат.

Обама исто така истакна дека најлошото што може да се стори кога економијата е слаба е да се зголемат даноците.

- Нема магично решение за огромниот буџетски дефицит, истакна претседателот. - Се надевам дека и демократите и републиканците во Конгресот ќе се присоединат кон моите напори за решавање на проблемот, наместо да се обидуваат да ја префрлуваат вината на некој друг, рече Обама.

Тој очекува министерот за финансии Тимоти Гајтнер и економскиот советник на Белата куќа Лари Самерс да останат на функциите.