Профитот од продажба на автогас достигнува и до 35%

by **GBL** Сре Јан 27 2010, 01:34

Бензински станици ќаруваат и до 35% од малопродажбата на 1 литар пропан-бутан, односно автогас. Ова го покажуваат официјалните податоци од царината до кои дојде Сител.

Според пресметките тоа изгледа вака - основната цена на автогасот кога ќе стигне на нашиот праг чини 14,4 денари, на тоа кога ќе се додадат сите давачки, излегува дека бензиските пумпи плинот го купуваат за близу 25 денари за литар, без транспортни трошоци, а на своите бензиски го продаваат 12 денари од литар поскапо.
Речиси истиот ќар се добива и ако не се увезува, туку купува од домашно производство.

Дали цената на автогасот е реална? Во моментов таа е речиси иста како и пред две години, кога беше најголемиот нафтен шок. Трговците не сакаат да коментираат, барем не пред камерите.

Еден од нив реши со нас да разговара анонимно. Вели плинот е атрактивен оти неговата употреба постојано расте, а со тоа неконтролирано се зголемува и неговата цена.

Уште една замка во целата продажба на автогасот е и соодносот на двете супстанци пропан и бутан, кој го одредува неговиот квалитет. Според стандардите плинот е комбинација од 35% пропан и 65% бутан. Но кај нас со цел да се направи уште поголем ќар, се става многу мала количина на пропан. Според нашиот извор понекогаш и само 5%.

Кај нас само цената на автогасот не е под контрола на Регулаторната комисија. Од таму велат таа е во целост либерализирана и ја кројат самите компании.

Но на терен ситуацијата е поинаква. Големите бензиски пумпи имаат иста цена, околу 37 денари за литар. Помалите им конкурираат со денар до два поевтно.

И додека граѓаните се револтирани од актуелните цени, трговците најавуваат нови поскапувања веќе за две недели.