Евакуација на 2.000 туристи блокирани во близина на Мачу Пикчу поради поројните дождови

by **GBL** Сре Јан 27 2010, 01:31

Перуанските власти почнаа евакуација по воздушен пат на околу 2.000 туристи, блокирани од поројни дождови и свлечишта во градот Агуас Калиентес, во близина на Мачу Пикчу.

Евакуација на 2.000 туристи блокирани во близина на Мачу Пикчу поради поројните дождови Machupikchu_5220_2085

Евакуација на 2.000 туристи блокирани во близина на Мачу Пикчу поради поројните дождови Machupikchu_5220_2085

Хеликоптери почнаа да ги превезуваат прво децата и возрасните. Туристите од Европа, Северна и Латинтска Америка ќе бидат евакуирани со хеликоптери на перуанските военовоздухопловни сили и на полицијата во градот Олантајтамбо, од каде што ќе заминат за Куско.

- Тие се блокирани во хотели и на железничката станица во Агуас Калиентес, каде што железничката линија со Куско е блокирана. Имаат храна и вода за три-четири дена, изјави претставник на локалните власти.

Пристапот до урнатините на градот на Инките Мачу Пикчу е пресечен од саботата од свлечишта, предизвикани од поројните дождови. Во реонот на Куско е прогласена вонредна состојба.