За Хаити ќе биде потребна помош најмалку пет до десет години

by **GBL** Сре Јан 27 2010, 01:29

За Хаити во следните пет до 10 години ќе биде потребна помош за обнова на државата по катастрофалниот земјотрес, изјави премиерот на таа држава Жан Макс Белрив.

За Хаити ќе биде потребна помош најмалку пет до десет години Jean-maxbellerive347_5228_2093

За Хаити ќе биде потребна помош најмалку пет до десет години Jean-maxbellerive347_5228_2093

Тој во име на својот народ се заблагодари за помошта, но додаде дека на луѓето во таа држава ќе им биде потребно уште многу помош за да се заврши реконтрукцијата на државата која на 12 јанаури беше погодена од земјотрес во кој загинаа до 200.000 луѓе.

За обезбедување помош, Белрив во Монтреал разговараше со американскиот државен секретар Хилари Клинтон, министерот за надворешни на Франција Бернар Кушнер, со канадскиот премиер Стивен Харпер и претставници на уште 10 држави.

- Она што бараме е долгорочна финансиска помош за развој-најмалку пет до 10 години, изјави Белрив.

Претседателот на Хаити, Рене Превал побара дополнителни 200.000 шатори за околу 1,5 милиони луѓе кои останаа без домови.

- Морам да признаам дека нашите геолошки техничари предупредуваа на можност од земјотрес, но поради соочување со општествени проблеми како што се сиромаштија, немавме време ни средства да преземеме дополнителни мерки за да се ограничи штетата, изјави Белрив.

Меѓународната организација Оксфам соопшти дека странскиот долг на Хаити од 890 милиони долари ќе биде избришан.

Соседната Доминиканска Република предложи на донаторите да се покрене програма за помош на Хаити во следните пет години и да се соберат притоа 10 милијарди долари. Според Харпер донаторската конференција ќе биде одржана во март.