Македонија против Русија во Светската лига во ватерполо

По изедначениот ефект на претходните три меѓусебни одмерувања на силите, нашата репрезентација игра за првиот, а руската за вториот триумф во Светската лига.

Македонија беше поразена од Хрватска и од Грција и во овој дуел влезе како последна во групата, но со евентуална победа ќе го достигне противникот кој загуби од хрватите, а ги совлада грците.

Сепак, иако посакува бодови, селекторот Нонковиќ најави дека и овој дуел е во функција на создавање тим што успешно ќе ги мине квалификациите за наредниот Европски шампионат.