Седумгодишно момче ќе донира 100.000 фунти за Хаити

by **GBL** Вто Јан 26 2010, 17:43

Потресен од снимките на кои што се прикажани страдањата на граѓаните на Хаити од разорниот земјотрес, еден седумгодишник од Велика Британија собрал речиси 100.000 фунти.

[You must be registered and logged in to see this image.]

Хуманиот Чарли Симпсон за да ги собере средствата ја замолил својата мајка да организира велосипедска трка во западен Лондон.

Идејата на Чарли била да собере околу 500 фунти, кои би ги донирала УНИЦЕФ, но неговата трка била промовирана и на интернет и за кусо време била преплавена со донации.

Само за еден ден тој успеал да собере 50.000 фунти, а донациите и натаму пристигнувале откако приказната за досетливиот ученик била објавена на насловната страница на британскиот весник Дејли Мирор.