Италјански научници велат: Мона Лиза е автопортрет!

by **GBL** Вто Јан 26 2010, 17:34

Најславното дело на ренесансата, сликата на Леонардо Да Винчи, Мона Лиза би можела да биде автопортрет, претпоставуваат италјанските научници.

[You must be registered and logged in to see this image.]

Токму поради тоа тие имаа намера да ги ексхумираат посмртните останки од славниот уметник. Имено, екипа историчари на уметноста од италјанскиот Национален одбор за културно наследство поднела барање за отварање на гробницата на Да Винчи.

Отворањето на гробницата би можело да се случи ова лето. Џорџо Групиони, италјански антрополог, верува дека овој проект би можел да го расветли прашањето за потеклото на славниот портрет. Доколку успеат да го ексхумираат черепот на Леонардо, тие ќе с еобидат да направат реконструкција на неговото лице, заклучувајќи дали Мона Лиза навистина била автопортрет.

Групиони изјавил дека верува дека заедно со својот тим е на вистинскиот пат. Но, тоа не е целиот проблем. Имено, Да Винчи е закопан во црквата која била уништена во текот на Француската револуција па неговите останки се преместени во капелата покрај дворецот Амбис. Натписот на гробницата наведува дека тука е закопан славниот уметник, тој факт сепак не е сосема сигурен.

После ексхумацијата на посмртните останки, со помош на ДНК примероци од коските на забите, кои ќе се споредат со оние на машките потомци на Да Винчи во Болоња ќе утврдат за кого навистина станува збор. За прашањето во кое е инволвирана најпознатата насмевка во историјата на уметноста се води расправија која трае со векови. Додека едни нагодуваат дека на сликата е Лиза Џерардини, жена на фиорентинскиот трговец, други веруваат дека може се работи за автопортрет.