Духови од деца се заиграле на гробиштата

by **GBL** Вто Јан 26 2010, 17:27

Австралијанката Рене Инглиш тврди дека сликала духови од деца како си играат, додека неодамна била со нејзината фамилија на лов на духови на гробиштата во западна Австралија. Некои сметаат дека ова се проклети гробишта.

[You must be registered and logged in to see this image.]

Локалната легенда кажува дека на фотографијата би можеле да бидат децата Дејвид Шоу и Бланч Мун кои не умреле исто време, туку постои 60 годишна разлика помеѓу нивната смрт. Бланч умрела 1886 година кога била удрена од кола додека играла на улицата, а Дејвид бил син на свештеник и умрел во 1946 година од детска парализа.

Пиктон се смета за најпроклет австралиски град, а ловот на духови до својата смрт го водела мајката на Џени Дејвис која сега ја продолжила традицијата со нејзиниот татко. Тие ги водат туристите во лов на духови.

Иако била скептична во однос на ловот на духови, сепак Рене решила да се приклучи на групата.

"Кога гледавме накај гробиштата јас се шалев за тоа дека не постојат духови и ако ги има зошто не се појават. Знам дека немаше никој на гробиштата кога сликав. Единствени луѓе кои ги сретнавме 10 минути покасно беше четиричлената фамилија, а децата не се одвојуваа од своите родители. Кога ги извадив сликите на компјутер ги загледав децата и цела се наежив. Цела ноќ не спиев и веќе никогаш нема да гледам хорор филм. Не верував дека постојат духови, но сега оваа тема навистина ме заинтересира" - кажала Рене.