Калоричен брак

by **GBL** Вто Јан 26 2010, 16:41

Покрај сопруг, бурма и потврда од матично, жените со бракот добиваат и гратис 2 килограми. Барем така покажа истражувањето спроведено во Австралија, а “вината“ ја посочи во желбата на жените да им угодуваат на своите мажи.

Калоричен брак Zb

Жената во брак, според резултатите, ќе се здебели во просек два килограми повеќе од жената која е сингл. Ако пак роди и дете, нештата дополнително се менуваат, па жената после раѓањето ќе има и четири килограми повеќе.

Причината изгледа лежи во тоа што жената која живее со сопруг почесто готви нездрава храна, односно не внимава повеќе на исхраната затоа што храната ја прилагодува на желбите на својот сопруг. Воедно, има и помалку време за вежбање.

Инаку, истражувањето било спроведено на универзитетот Квинсленд во Австралија, а студијата објавена во списанието “American Journal of Preventive Medicine“. Во текот на истражувањето се следени жени на возраст помеѓу 18 и 23 години, и тоа во период од 10 години.

Прецизните резултати од истражувањето се следниве: жената во просек добивала по 9 килограми ако имала брачен партнер и родила дете, 6.8 килограми доколку имала брачен партнер, но не родила и 4.9 килограми доколку била сингл и без дете.

Наравоучение - угодувањето на сопругот дебелее Smile