Македонија ТОП реформатор во светот !!!

by **Kosta** Пон Окт 01 2007, 16:42

Конечно и некои убави вести:

Македонија, заедно со Хрватска, Грузија, Бугарија и Унгарија е на
листата на топ реформатори во светот во однос на развивањето на
условите за водење бизнис.

Ова се наведува во новиот извештај „Doing business“ на Меѓународната
финансиска корпорација, дел на Светската банка, каде државите се
рангирани во однос на олеснувањето на условите за водење на бизнис.

Причината поради која Македонија се најде меѓу првите десет бизнис
реформатори е елиминацијата на условот за минимум потребен капитал за
отпочнување бизнис, забрзување на процесот за добивање на дозволи за
градба, намалениот данок на доход на 12 насто, како и поедноставување
на процедурата за плаќање на даноци.

Во однос пак на светската ранг листа за олеснување на условите за
водење на бизнис, Македонија е рангирана на 75 место и се наоѓа на
средина од листата на која се наведени 178 држави. Годинешната позиција
е скок за 21 место во однос на лани, кога Македонија се наоѓаше на 96
место.

Меѓу првите на листата се Сингапур, Нов Зеланд, САД, Хонг Конг и
Данска, а последни се Гвинеја, Централно Африканска Република и
Демократска република Конго