14 октомври, (Нетпрес) - Дејл Чалк, од Австралија, која два пати родила четворка, повторно се породила, но овој пат "само" со близнаци.




Во август, 2004 година, со првата четворка, на овој свет донела две момчиња и две девојчиња, кои наредната година ќе тргнат на училиште.

Втората четворка, од која едно бебе починало, ја родила 14 месеци подоцна, во октомври во 2005 година.

Пред нив, Дејл родила две девојчиња, едното во 2003 година, а второто пред две години, така што среќното семејство Чалк сега има единаесет деца.

Сите деца се зачнати со вештачко оплодување, затоа што брачниот пар сакал повеќе деца, а помалку породувања.

"Мислам дека за сега ги остваривме нашите планови. Ни останува само да купиме помал автобус во кој ќе има место за сите наши деца", изјавил сопругот на Дејл за локалните медиуми.