По повод втората годишнина од смртта на Тоше Проески, ќе се трча маратон од Нова Градишка, до Крушево и ќе се одржи концерт.



На втората годишнина од смртта на Тоше Проески, нашите маратонци ќе се обидат да го повторат минатогодишниот потфат, кога 26 маратонци со штафетно трчање претрчаа од Нова Градишка до Крушево за 78 часа.

Оваа година штафетата ќе ја имаат само 15 професионални маратонци, кои ќе истрчаат еднаква оддалеченост како и минатата година – 1060 км - и се надеваат дека ќе го подобрат резултатот за неколку часа.

Организатор на маратонот е Меѓународната фондација Тоше Проески.

Почетокот на маратонот е закажан за 16 октомври во 6.20 часот од стадионот во Нова Градишка, а пристигањето во Крушево е закажано за 19 октомври во 12 часот.