9 октомври, (Нетпрес) - Регистриран е првиот тежок случај на свински грип во Србија. Заразeно е 46- годишно лице, кое е веднаш, сместено во карантин во Клиничкиот центар во Крагуевац.




Пациентката Б.Џ. има воспаление на белите дробови со тешки компликации. Кога ја примиле на клиниката одвај дишела и имала висока температура. Приклучена е на апарати кои и го олеснуваат дишењето и се наоѓа во критична состојба, објаснуваат докторите.

Се верува дека ја заразил нејзиниот син, професионален возач на меѓународните линии, кој ги имал истите симптоми, соопштува за Пресс началникот на инфективната клиника.

"За среќа, нема тешки хронични заболувања. Превземени се сите мерки кои се потребни во ваквите ситуации. Во текот на оваа година примивме шест пациенти, претежно млади заразени од овој вирус", додаваат од Клиниката.

Епидемиологот доктор Бранислав Тодоровиќ изјавил дека ова е првиот тежок случај од новиот грип во земјата. Во Србија, новиот вирус, до сега е регистриран кај 133 пациенти.