На 7 октомври започна седмата дводневна конференција Мајкрософт ВИЗИЈА –најголемата технолошка конференција што се одржува во Република Македонија, која традиционално ги обединува ИТ професионалците, програмерите и менаџерите на едно место.





о големиот број на стручни предавања и присуството на еминентни домашни и странски предавачи, конференцијата претставува можност на едно место да се слушнат експерти од ИТ бизнисот, посетителите да се запознаат со најновите производи и долгорочни стратегии на Microsoft, како и да разменат мислења и знаење за најновите технологии.

На вчерашната одржана конференција посетителите имаа можност да ги слушнат обраќањата на амбасадoрод на САД во Македонија Г-динот Филип Рикер, претседател на Microsoft, Европа Г-динот јан Мулфеит и директорот на Мајкрософт, македонија Г-динот Илијанчо Гаговски.

Фокусот на предавањата и оваа година се најновите технологии кои се очекуваат на пазарот, како: Windows 7, Microsoft Office 2010, Office SharePoint 2010, Office Exchange 2010, Windows Server 2008 R2, SQL Server 2008 R2 и многу други.

Сите тие нови производи се резултат на иновативноста на компанијата, нејзината определба за посигурна и поефикасна средина за работа, но и за единствено функционално опкружување за корисниците на нашите технологии и производи.

Во рамките на овогодинашната ВИЗИЈА 7 се одржа и третиот по ред форум на тема „Иновациите и економскиот развој“ – Microsoft Innovation Forum.

Темата на форумот оваа година овозможи посебен преглед на иновациите и нивното влијание врз економскиот развој во услови на глобална светска криза. Решението на некои од денешните социјални и економски проблеми се наоѓа во технолошките иновации затоа што токму тие се вистинскиот пат кон зголемена економска продуктивност и кон отворање на нови работни места во локалната економија.