8 октомври, (Нетпрес) - Двајца измамници за само два дена успеа да извлечат околу 400 евра од постари скопјани кои поверувале на нивните добро испланирани лаги.




Вчера, двајца засега непознати измамници успеал да земат околу 50 евра од 62-годишниот Ф.К. во скопската населба Ѓорче Петров. Едниот од измамниците се претставил дека е од Струмица, од другиот од Сирија.

На човекот му раскажеле дека имале сообраќајна несреќа. Но, наводниот Сириец не ги знаел нашите пари, па му побарале пари за тој да и ги покаже на мајка му. За да им помогне, Ф.К. им ги 3400 денари што ги носел во себе. Му рекле дека ќе одат до автомобилот да ги покажат на мајката на Сириецот, па ќе се вратат. По долго чекање скопјанецот сфатил дека е измамен, па ги пријавил во полиција.

Завчера на пазарот во Тафталиџе на идентичен начин беше измамен скопјанец на околу 60-тина години. Измамниците од него зеле 345 евра, кои ги извадил од банка.

Од Министерството за внатрешни работи велат дека неколкупати имаат уапсено измамници кои на ваков начин извлекуваат пари од граѓаните, но повторно се појавуваат нови.