8 Октомври, (Нетпрес)- Италијанскиот Уставен суд го отфрли и го прогласи за неуставен законот за имунитет што го штитеше премиерот Силвио Берлускони и други високи функционери од кривичен прогон.





Четиринаесет судии во Уставниот суд, меѓу кои и една жена, два дена одлучуваа за пресудата со која се оценува како тежок удар врз италијанскиот премиер, вмешан во низа скандали. Пресудата би можела да придонесе повторно отворање на истрага за случаите во кои е вмешан и премиерот Берлускони.

Меѓу нив и истрагата за корупција во Милано кој се откажа бидејќи во јули 2008 година парламентот на предлог на владејачката коалиција го донесе спорниот закон за имунитет со кој премиерот го штитеше од кривичен прогон додека е на функција.