Што повеќе сакате – секс или мобилен? Токму на таа тема е спроведено истражување за да се открие колку луѓе се врзани за своите мобилни.



Судејќи по резултатите на истражувањето кое е спроведено во Чикаго, тројца од десет луѓе попрво би се откажале од секс на година дена, отколку од својот мобилен телефон.

Иако мобилните овозможуваат олеснето телефонирање од било кое место, изгледа дека луѓето повеќе ги користат за испраќање пораки и слики отколку за разговор.

Истражувањето опфатило 300 луѓе – 121 мажи и 179 жени. На прашањето што повеќе сакаат – секс или мобилен – 36% од жените и 15% од мажите одбрале мобилни.

30% од испитаниците изјавиле дека мобилниот најмногу им служи за испраќање пораки и дека дури три часа дневно поминуваат во допишување и праќање на видео пораки.

“Очигледно се создава нов начин на комуникација. Пораките се позгодни поради тоа што овозможуваат полесна комуникација – не морате веднаш да одговорите ако не можете.““- појаснил Ким Титус, гласноговорник на компанијата Samsung Mobile.