За ладно цеденото маслиново масло се вели дека е дар од господ. Тоа овозможува одржување на добрата здравствена состојба на организмот и дава сила и енергија. Грчкиот поет Хомер ова масло го нарекувал златно масло.



Маслиновото масло е одличен производ за спречување на појавата на срцеви заболувања и за одржување на добрата здравствена состојба на срцето. Овој производ е богат со моно-заситени масла, антиоксиданси и витамин Е. Тоа помага при намалувањето на крвниот притисок, а се смета дека при негова консумација се намалува и ризикот од срцев удар.

Некои истражувања покажаа и дека со редовна употреба на маслиновото масло се забавува растот на туморот на гради, на дебелото црево и на кожата.

Исто така, некои масни киселини што ги содржи маслиновото масло, даваат чувство на заситеност. Ова масло ја поттикнува работата на метаболизам и го принудува телото да согорува калории со побрзо темпо. Така, ако планирате да намалите некој килограм, а да останете здрави и полни со енергија, употребата на маслоновото масло во исхраната е крајно препорачлива.

Маслиновото масло е одлично анти-воспалитено средство кое ги смирува воспалителните процеси во телото.

А дали знаете дека маслиновото масло може да направи чуда за вашата кожа давајќи и природен сјај. Овој производ се содржи во повеќе козметички производи, а се смета и дека маслиновото масло игра улога при спречувањето на паѓањето на косата.