Водечкиот возач во вкупниот поредок на возачи во Формула 1,Британецот Jenson Button смета дека Michael Schumacher со одлуката за
враќање во болидот рескира да ја изгуби репутацијата стекната соосвојувањето на седум титули светски првак.




Да потсетиме, 40-годишниот Schumacher ја прифати понудата на Ferrari да
го замени поврдениот Felipe Massa на трката во Валенсија следнит месец,
што ќе му биде прва трка во болид на Формула 1, од 2006 година кога се
пензионираше.

Button „му симнува капа“ на Schumacher за оваа одлука, меѓутоа, воедно
и го доведува во прашање неговиот легендарен статус во случај
Германецот да не успее да ја оправда репутацијата која го прати од
активните денови.

„Ќе биде убаво да го видиме повторно на дело. Во овој момент на
патеката на Формула 1 се наоѓаат многу врвни возачи, но неговото
враќање е нешто посебно. Иако, верувам дека сите ќе сакаат повторно да
го видат Felipe. Во Ferrari можат да бидат среќни што во тимот имаат
некој кој во секој момент би можел да скокне во болидот и да биде
компетитивен, а Michael тоа сигурно ќе биде“, уверен е британскиот
возач.

„Сепак, занимливо е тоа. Ако победи Schumacher сите ќе речат дека тоа
било реално да се очекува, а во друг случај сите ќе бидат спремни да
потврдат дека не требало да се враќа. Се наоѓа во тешка ситуација, иако
и на мене ми е мило што покажа спремност да одговори на предизвикот.
Храбар потег“, заклучува Button.