Само два дена по отварањето на услугата Facebook Username, корисниците регистрирале цели шест милиони адреси. Со оглед на тоа дека на друштвената мрежа има околу 300 милиони корисници, оваа бројка и не е баш така голема.



Пред извесно време Facebook лансираше нов модул во сервисот кој на корисниците им овозможи избирање на одреден прекар или username. Сега наместо вашиот профил да се состои од бројки (www.facebook.com/profile.php?id=123456789), тој може да содржи username или www.facebook.com/ime.prezime.

Како што известуваат од Facebook, во првите три минути од пуштањето на овој модул корисниците регистрирале нешто повеќе од 200.000 такви адреси, а во првите 15 минути биле регистрирани 500.000. Трендот се успорил, така да оваа бројка застанала на отприлика 5,75 милиони адреси.

Секој оној кој нема земено свој username, може да го направи тоа веднаш, воопшто не е доцна. Доколку сакате да ја направите промената потребно е само да бидете логирани на вашиот профил и да одите на адресата www.facebook.com/username.

Бидете внимателни, бидејќи кога еднаш ќе го изберете вашиот username не постои опција за негова промена. Тој не мора да го содржи вашето име и презиме туку може да биде било што. Може да бидете креативни, но запомнете дека сега веќе сите поинтересни имиња се веќе земени, но секогаш има нешто што на никој не му текнало. Побрзајте!