САД. 22 јуни, (Нетпрес) - Во американската сојузна држава Њу Мексико ќе се гради аеродром за вселенски туристички летови. Вселенското пристаниште “Америка“ е прв комплекс предвиден за комерцијални летови.



На богатите луѓе ќе им биде овозможено патување до “работ на космосот“ или поточно лансирање на двочасовно патување до 100 километри во вселената. Воедно бил вклучен и петминутен престој во бестежинска состојба.

Се очекува изградбата на ваквиот тип на аеродром да заврши до 2010 година. Компанијата “Виргин Галатик“ на својата веб страница на потенцијалните патници им нуди незаборавно искуство.

Предвидена била и изградба на слични вселенски пристаништа во Тексас, Флорида, Оклахома и на други места во САД, пренесува “Блиц“