Памела ја воодушевила исклучителната убавина на пределот и посветеноста на еколошки принципи. Во Црна Гора таа сака да го оствари својот сон за изградба на ’здрав’ хотел.



Американската секс – бомба и актерка Памела Андерсон (41) во јули пристига во Црна Гора, каде сака да изгради хотел.

“Пред шест месеци не ни знаев каде е и што е Монтенегро, но сега дефинитивно многу добро знам. Црна Гора е земја со исклучителна убавина и фасцинантна историја, посветена на еколошките принципи.“- напишала таа на својата интернет страна.

За Црна Гора и ’Атлас групата’ и зборувале пријатели од Обединетите Арапски Емирати.

“Барав локација и партнери за да ги остварам своите соништа за хотел или спа – центар според принципи кои јас ги поддржувам – добро здравје, добра храна (органска и вегетаријанска, колку што е можно повеќе) но исто така да се има во предвид и значењето на добрата уметност, добрата музика, добриот изглед и добрата забава.“- ја испофалила Памела Црна Гора.