Моби на „Егзит“ и на „Ин мјузик“

by **jelena** Нед Фед 15 2009, 03:01

Популарниот американски електро-музичар Моби летово ќе одржи концерти на најголемите фестивали во Србија и во Хрватска, „Егзит“ и „Ин мјузик“. Тој е првата голема ѕвезда што го потврди настапот на годинашното издание на новосадскиот фестивалот, што од 9 до 12 јули ќе се одржи на Петроварадинската тврдина, пренесува „Блиц“. На главната сцена на „Егзит“ ќе настапи и легендарниот Грендмастер Флеш, кој е еден од пионерите на хип-хоп музиката.

Загрепскиот хепенинг ќе се одржи на 24 и 25 јуни. Освен Моби, најавени се славните групи „Франц Фердинанд“ и „Крафтверк“.

Ричард Мелвил Хол, кој е познат под уметничкото име Моби, е роден во Њујорк. Неговата кариера по многу нешта е уникатна, а почнала кога имал само девет години. Студирал класична гитара и музичка теорија, а подоцна научил да свири пијано и тапани. Во 1999 година го објави својот најуспешен албум Play, кој е продаден во повеќе од 10 милиони примероци. Пред четири години Моби го објави Hotel, кој имаше порокерски пристап, а лани албумот Last Night. Моби е познат по одличните живи настапи.
На вас само останува ако го сакате и ако ја сакате неговата музика да одите на еден од концертите и да уживате.