Паб во Англија бара гости преку огласи

by **Kosta** Пет Фед 13 2009, 10:50

Сопственикот на еден паб во Кент во Англија, кој поради економската криза останал само со двајца постојани гости, објавил оглас со кој бара муштерии.

„Се бараат гости за локал! Не е потребно претходно искуство бидејќи ќе добиете полн тренинг. Ве молиме да се пријавите“ - пишува во огласот.

Тим Гибсон не успеал да привлече гости со понудата на храна во летоци кои ги ставал во поштенските сандачиња, па се одлучил за друг вид на кампања.

„Бесплатно чуваме мажи! Ако постојано ви се мота околу нозете додека пазарите, само платете го тоа што ќе го испие“ - пишува во друг оглас.

Тим рекол дека нема избор. Иако пораките се смешни, ситуацијата е крајно сериозна, бидејќи без нови гости набрзо ќе мора да го затвори пабот.

„Имаме многу малку редовни гости. Во суштина ни останаа уште двајца. Долго време сум во овој бизнис и никогаш не било вака лошо“ - објаснил Тим.