Доверливи воени документи на половен МП-3 плеер

by najforumce Сре Јан 28 2009, 02:24

Еден холанѓанец открил доверливи документи од американската армија на МП-3 плеер кој го купил во продавница за половни предмети во Оклахома, јавила една холандска телевизија.

Крис Огле (29) го платил уредот 9 долари, а кога го приклучил на компјутер, наишол на 60 страници воени податоци.

Документите содржеле имиња и лични податоци од американски војници, меѓу кои некои биле на служба во Авганистан и Ирак, а исто така и извештаи за опремата во базите и извештаи од мисиите.

„Што повеќе читав се повеќе ми се чинеше дека читам нешто што не треба да го знам“ - рекол Огле.

Иако голем дел од извештаите биле од 2005 година, телевизијата истакнала дека повикала неколку од тие броеви кои сеуште им припаѓале на наведените личности.

Огле истакнал дека никогаш не го користел МП-3 за слушање музика, а додал и дека спорниот уред ќе го предаде на американското министерство за одбрана ако тоа го побараат од него.