48 години невин

Англичанецот, Питер Кулиер никогаш не излегол со девојка се додека не освоил 8,5 милиони фунти на лото. Тој и‘ призна на јавноста дека го оставил својот дом кој бил полн со спомени од неговата мајка со која живеел целиот живот и се подготвува да ја ожени Дона, медицинската сестра која ја чувала мајка му се до смртта.



Питер за прв пат отворено зборува за животот пред да ја добие големата награда, во кој како што вели имало место само за една жена, неговата мајка. Питер отворено призна дека немал сексуален однос иако има 48 години.

Поранешниот работник заедно со братот Иан и мајката Грејс никогаш не планирале да го напуштат својот дом.

Нормалниот ден за браќата започнувал во 5.30 кога заминувале на работа со сендвич направен од Грејс, а кога си доаѓале во 17 часот, дома ги чекал традиционалниот англиски чај. Браќата заедно оделе на одмор, најчесто на Кипар или во Мајорка, и ја носеле со себе својата мајка. Но сепак големата лото добивка им го променила животот.



- Никогаш не ја напуштив мајка ми. Едноставно ние бевме едно среќно тричлено семејство кое живееше во куќа со три спални. Таа беше најдобрата жена во светот. Никогаш не ми падна на памет да погледнам друга девојка, изјави Питер.

Сепак здравствената состојба на Грејс почнала да се влошува на почетокот на 2004 година. Загрижени за парите кои биле потребни за лечење на нивната мајка, тие купиле лото-ливче, со кое на 14 февруари истата година добиле 8,5 милиони фунти. Бидејќи Питер имал пари, ја најмил Дона како медицинска сестра за да се грижи за Грејс. По смртта на мајка му во 2006 година, Дона била единствената жена која имала контакт со браќата.



- Дона е одлична жена, гледајќи ја како се грижи за мајка ми сфатив дека е мила, добра и хумана. Сакав да ја викнам да биде првата девојка со која ќе излезам на состанок, но таа беше мажена и имаше три деца, рече Питер.

По разводот на Дона, Питер за прв пат излезе со девојка на состанок во јануари минатата година.

- Среќен сум и поради тоа на 1 јануари годинава ја побарав за жена. Таа е единствената жена со која сакам да живеам, изјави среќниот добитник на 8,5 милиони фунти.